Milli Məclisin deputatı Elnarə Akimovanın seçicilərlə müntəzəm görüşləri davam edir.
Deputat bu dəfə Xəzər bağları yaşayış massivi ərazisində yaşayan seçicilərlə görüşərək onların qayğı və problemlərini dinləyib, hər bir sakinlə fərdi şəkildə söhbət aparıb.
XALQ.AZ məlumat verir ki, Elnarə Akimova görüş zamanı ərazidə olan sosial və məişət problemləri ilə yaxından tanış olub. O, seçicilərin səsləndirdiyi problemlərin həlli istiqamətində lazımi addımların atılacağını vurğulayıb.
Deputat Elnarə Akimova, həmçinin şəhid ailəsinə də baş çəkib. O, Vətən müharibəsində qəhrəmanlıq göstərərək şəhidlik zirvəsinə ucalan Qubad Əliyevin ailəsini ziyarət edib. E.Akimova ailənin qayğıları ilə maraqlanıb və dövlətin şəhid ailələrinə göstərdiyi diqqət və qayğının bundan sonra da davam etdiriləcəyini vurğulayıb.
