Hindistanda ayı meşədə iki çobana hücum edərək onlardan birini şikəst edib.
Medianews.az xarici mediaya istinadən xəbər verir ki, hadisə çərşənbə günü, noyabrın 13-də Odişanın Sundarqarh rayonunda baş verib.
55 yaşlı Qura Munda həmkəndlisi ilə meşəyə inək otarmağa gedib. Ayının kişilərə hücumu nəticəsində Munda ciddi xəsarət alıb və yerli xəstəxanaya aparılıb.
Yaşlı hindistanlıya ilkin tibbi yardım göstərilib, lakin xəsarətlərin ağırlığına görə həkimlər onu sonrakı müalicə üçün Rourkeladakı klinikaya aparmaq qərarına gəliblər.
Mundanın həmkəndlisinin xəsarət alıb-almadığı barədə məlumat verilmir.
