“Barselona”nın hücumçusu Ansu Fati ən azı cari mövsümün sonuna qədər klubda qalacaq.
Sportinfo.az “Diario Sport”-a istinadən xəbər verir ki, ispaniyalı futbolçunun başqa kluba keçməsinə məhz zədələr mane olur.
İndi o, yalnız mümkün qədər tez sağalmaq barədə düşünür. Beləliklə, forvard ən azı mövsümün sonuna qədər “Barsa”da çıxış edəcək.
22 yaşlı futbolçu zədələrdən əziyyət çəkməyə davam edir və buna görə də az oyun praktikası qazanır.
Onun cari mövsümdə “Barselona”nı mümkün tərk etməsi bildirilsə də, belə bir ssenarinin olması ehtimalı azdır.
Fati bu mövsüm Hans-Diter Flikin komandasının 7 oyununda iştirak edib.
