Yeni bir araşdırma, tez-tez pis yuxuların demans riski ilə əlaqəli ola biləcəyini ortaya qoyur. Orta ömür uzunluğu 73 il olan bir insan ömrünün təxminən altı ilini yuxu görməyə sərf edir. Ancaq yuxuların psixi sağlamlığımıza təsiri hələ də tam məlum deyil.
Turkustan.az xəbər verir ki, 2022-ci ildə The Lancet-in eClinicalMedicine jurnalında dərc edilən bir araşdırma göstərdi ki, orta yaşlı və yaşlı insanlarda tez-tez pis yuxular görmə demensiyanın inkişaf riskini artıra bilər. Science Alert-də iştirak edən xəbərə görə; Tədqiqatda 35-64 yaş arası 600 nəfər və 79 və yuxarı yaşda olan 2600 nəfərdən ibarət iki qrup müayinə edilib. Tədqiqatın əvvəlində demans diaqnozu qoyulmayan iştirakçılar orta yaş qrupu üçün doqquz il və yaşlı qrup üçün beş il izlənilib.
Araşdırmanın əvvəlində iştirakçılara nə qədər tez-tez pis yuxular gördükləri ilə bağlı suallar verilib. Məlumatların təhlili nəticəsində araşdırmanın əvvəlində tez-tez kabus görənlərin sonrakı illərdə daha sürətli koqnitiv geriləmə yaşadıqları və demans diaqnozu qoyulduğu müşahidə edilib.
Yaxşı xəbər budur ki, təkrarlanan kabuslar müalicə edilə bilər. Kabusları müalicə etmək üçün istifadə edilən ilk müalicə üsullarından birinin Alzheimer xəstəliyi ilə əlaqəli anormal zülalların yığılmasını azaltdığı bilinir. Bu, kabusların müalicəsinin bilişsel geriləməni yavaşlatdığını və bəzi insanlarda demansın inkişafının qarşısını ala biləcəyini göstərir.
Gələcək tədqiqatların məqsədlərindən biri də kabusların gənc fərdlərdə demans riskini artırıb artırmadığını araşdırmaqdır. Bundan əlavə, yuxu görmə tezliyi və yuxuların nə qədər canlı olması kimi digər yuxu xüsusiyyətlərinin demans riskini təyin etməyə kömək edə biləcəyi araşdırılacaq.
Bu tədqiqatlar yuxu görmə fenomeni ilə bağlı yeni anlayışlar təmin edə bilər, həmçinin demansın erkən diaqnozu və mümkün müdaxiləsi üçün yollar aça bilər. Beləliklə, demans və yuxular arasındakı əlaqənin təbiəti daha yaxşı başa düşülə bilər.
Eltac Zülfüqaroğlu/Turkustan.az
