"Artıq hazırlıqlara başlamışıq, böyük iş olacaq, həyəcanlıyam. Gözləntilər böyükdür, ona görə də bir az qorxuram. Bu, asan məsələ deyil, yaxşı olmasa məyusluq yarada bilər. Əlimdən gələni edəcəyəm".
Teleqraf.com Türkiyə mətbuatına istinadən xəbər verir ki, bu sözləri aktyor Ekin Koç türk rok musiqisinin qabaqcıllarından olan və "Anadolu roku" janrının banisi hesab edilən Barış Mançonun həyatından bəhs edən filmdən danışarkən deyib.
Qeyd edək ki, 1999-cu ilin fevralında dünyasını dəyişən Barış Mançonun həyatı barədə film çəkilir.
Filmdə Mançonu sevilən türk aktyor Ekin Koç canlandıracaq.
Müəllif: Pərvin Cəfərova
