Polşa prezidenti Anjey Duda Almaniyanın “Şimal axını” qaz kəmərində işlərin bərpası ilə bağlı Rusiya ilə razılaşa biləcəyindən ehtiyat etdiyini bildirib.
HİT.az bu barədə "RİA Novosti"yə istinadən xəbər verir.
“Mən şübhə edirəm ki, Şolts və Putin arasında bu söhbət müttəfiqlərlə razılaşdırılıb. Hesab edirəm ki, bu, kansler Şoltsun icazəsiz hərəkəti idi. Almaniya, yəqin ki, Rusiyada enerji ehtiyatlarını ala bilmək üçün Rusiya ilə enerji müqavilələrinə qayıtmaq üçün Rusiya ilə razılaşmaq imkanlarını axtarır", deyə Duda bildirib.
O, federal kansler ilə Rusiya lideri arasında telefon danışığını “Şimal axınının funksionallığını bərpa etmək cəhdi” adlandırıb. Duda onu da vurğulayıb ki, Polşa bu cür hadisələrin ardıcıl əleyhdarıdır və uzun illərdir ki, qaz kəmərinin istismarına qarşı çıxır.
Rusiyanın iki ixrac qaz kəmərində - "Şimal axını" və "Şimal axını 2"də partlayışlar 26 sentyabr 2022-ci ildə baş verib. Almaniya, Danimarka və İsveç məqsədyönlü təxribat ehtimalını istisna etmirlər. Qaz kəmərinin operatoru olan "Nord Stream AG" misli görünməmiş ziyan barədə məlumat verib və qeyd edib ki, təmir işlərinin vaxtını təxmin etmək mümkün deyil. Rusiya Baş Prokurorluğu beynəlxalq terror aktı ilə bağlı iş açıb. Rusiya prezidentinin mətbuat katibi Dmitri Peskov bildirib ki, Rusiya dəfələrlə “Şimal axını”nda partlayışlarla bağlı məlumat tələb edib, lakin hələlik heç bir məlumat almayıb.
Samir
