Səhər saatlarında qızıl mağazası gülləbaran edildiİstanbulun Beylikdüzündə motosikletli iki nəfər qızıl mağazasını gülləbaran edib.
Sonxeber.az türk mediasına istinadən xəbər verir ki, bu gün səhər saatlarında Yakuplu rayonu Hürriyyət bulvarında yerləşən qızıl mağazasından bir müddətdir zorla pul tələb edən iki nəfər naməlum şəxs motosikletlə iş yerinə gələrək bura güllə yağdırıb.
Onlar daha sonra hadisə yerindən qaçıblar.
İçəridə olan işçilər və müştərilər əşyaların arxasında gizlənərək yaralanmadan xilas olublar.
Məlumat üzərinə hadisə yerinə çoxlu polis sövq edilib. Ətrafda təhlükəsizlik tədbirləri görülüb.
İlkin araşdırmalar nəticəsində mağazaya təxminən 28 güllə atıldığı müəyyən edilib.
Hadisədən sonra polis qrupları motosikletlə qaçan şübhəliləri tutmaq üçün əməliyyat başladıb.
Hadisə ilə bağlı istintaq davam edir.
