Salyanda baş vermiş yol qəzasında xəsarət alanlar var.
Bakıvaxtı.az-ın məlumatına görə, hadisə bu gün səhər saatlarında şəhərin V.Əhmədov küçəsində qeydə alınıb.
Belə ki, "VAZ-2107" markalı avtomobil digər nəqliyyat vasitəsilə toqquşub.
Qəza nəticəsində Salyan şəhər sakinləri 1960-cı il təvəllüdlü Qədimov Burxan Şəmsəddin oğlu, 1981-ci il təvəllüdlü Nəcəfov Amil Faiq oğlu və 1980-ci il təvəllüdlü Gözəlov Asif Hüseynalı oğlu müxtəlif dərəcəli xəsarətlər alıblar.
Xəsarət alanlar Salyan Mərkəzi Rayon Xəstəxanasına çatdırılıb.
Faktla bağlı araşdırma aparılır. /Report
