Vivo X200 smartfon seriyasında mini modelin olacağı təsdiqlənib

     Vivo şirkəti vivo X200 smartfon seriyasının təqdimatına hazırlaşır. Bu smartfon seriyasının təqdimatı 14 oktyabr tarixində baş tutacaq. Daha öncə ortaya çıxmış məlumat sızıntılarında qeyd edilmişdi ki, vivo X200 smartfon seriyasına vivo X200 və X200 Pro ilə yanaşı mini adlı model də daxil olacaq. İndi isə vivo X200 seriyasının mini versiyasının mövcudluğu şirkətin brend meneceri tərəfindən təsdiqlənib. Lakin daha öncə smartfonun vivo X200 mini adlanacağı güman edilirdisə, indi məlum olub ki, smartfon vivo X200 Pro mini adlanacaq. Vivo şirkətinin brend meneceri Jia Jingdong adı qeyd edilmiş smartfon vasitəsilə Çinin Weibo adlı sosial şəbəkəsində paylaşım etməklə vivo X200 Pro mini modelinin mövcudluğunu təsdiqləyib. Çox güman ki, vivo X200 Pro mini modeli adi vivo X200 Pro-nun kompakt ölçülü versiyası olacaq. Kompakt ölçüdə olmasına baxmayaraq smartfon özündə flaqman texniki özəllikləri birləşdirməlidir.