"Qərbdə Ukraynaya dəstəyin azalması Putinə növbəti işğal müharibəsi üçün yenidən silahlanma imkanı verir".
HİT.az xəbər verir ki, bunu Avropa Siyasət Mərkəzinin (EPC) baş elmi işçisi Pol Teylor “The Guardian” üçün yazdığı məqalədə qeyd edib.
Onun sözlərinə görə, Qərbdə depressiv hiss var ki, ukraynalıların Rusiyanın təcavüzünə qarşı mübarizədə dəstəyi zəifləyir - ABŞ prezident seçkiləri və Yaxın Şərqdə müharibənin qızışması ilə məşğuldur, Fransa siyasi və maliyyə böhranları ilə diqqəti yayındırır, Almaniya üçlü koalisiyadakı çəkişmələrdən iflic vəziyyətinə düşüb.
Yüksək rütbəli Qərb rəsmilərindən birinin qeyd etdiyi kimi, Avropalıları daha radikal addımlar atmağa sövq etmək üçün Rusiyanın 2022-ci ilin fevralında Ukraynaya genişmiqyaslı müdaxiləsi miqyasında “ikinci şok” ola bilər. Bu şoka Ukrayna müdafiəsinin qəfil çökməsi, Buca kimi başqa bir qırğın və ya Donald Trampın Ağ Evə qayıtması daxil ola bilər.
"Bu ilin əvvəlində komissiya müdafiə sənayesi strategiyasını dərc edəndə Avropaya daha çox müdafiə inteqrasiyası üçün müəyyən təkan var idi. Lakin Avropa seçkilərindən sonra əsas paytaxtlardakı siyasi problemlər üzündən bu, söndü", deyə analitik əlavə edib.
Məqalədə qeyd edildiyi kimi, bu sürəti bərpa etmək və Aİ-nin müdafiə səylərinə daha çox pul yatırmaq üçün indi “zəlzələ” - məsələn, NATO-ya skeptik Trampın hakimiyyətə qayıtması tələb oluna bilər.
Ukraynadakı döyüş meydanındakı vəziyyətlə bağlı Avropa Siyasət Mərkəzinin (EPC) iclasında çıxış edən ABŞ ordusunun istefada olan general-mayoru Qordon Devis prezident Co Baydenin administrasiyasının Ukraynaya Kiyevi ayaqda saxlamaq üçün kifayət qədər pul verməkdə davam etdiyinə görə qəzəblənib.
Müəllifin fikrincə, Avropa hökumətləri üçün daxili problemlərinə baxmayaraq, seçim aydın olmalıdır: Putinin növbəti müharibə üçün yenidən silahlanmasına imkan verməmək üçün Ukraynanı indi daha qətiyyətlə dəstəkləmək lazımdır.
Samir
