Ukraynanın arsenalında Amerikanın ATACMS uzaqmənzilli ballistik raketləri var və onlardan Rusiyanın hərbi potensialını zəiflətmək üçün istifadə edəcək.
Sitat.info xəbər verir ki, bunu Ukrayna prezidenti Vladimir Zelenski Kiyevdə Danimarkanın baş naziri Mette Frederiksenlə birgə mətbuat konfransında deyib.
“Bağışlayın, Ukraynanın öz istehsalı olan uzun mənzilli pilotsuz uçan aparatları var və indi bizdə ATACMS var".
Zelenskinin sözlərinə görə, Ukrayna çalışır ki, ölkəsini uzaqmənzilli silahlarla gücləndirmək qərarına bütün dövlətlər dəstək versin.
“Hesab edirəm ki, nüvə silahı ilə bağlı bəyanatlardan (Rusiyanın nüvə silahından istifadə etməyə hazır olması barədə Putinin qərarı - RED) sonra Almaniyanın müvafiq qərarlarının (Ukraynanın Taurus raketləri ilə təmin olunması ilə bağlı- RED) dəstəkləməsinin vaxtı çatıb”.
Zelenski qeyd edib ki, Rusiya ərazisində Qərbin uzaqmənzilli silahlarının istifadəsinə icazə verilməsi ilə bağlı qərarlara, harada yerləşməsindən asılı olmayaraq, Rusiya Federasiyasının hərbi potensialını azaltma potensialını da əlavə etmək vacibdir.
Nərgiz,
Sitat.info
