Peru prezidenti Dina Boluarte meşə yanğınlarından zərər çəkmiş 3 bölgədə fövqəladə vəziyyət elan edildiyini açıqlayıb. Yanğınlarda indiyədək 16 nəfər ölüb. SİA xarici KİV-ə istinadən xəbər verir ki, Prezident Boluarte açıqlamasında iyul ayından bəri San Martin, Ucayali və Amazonas bölgələrində meşə yanğınlarının davam etdiyini xatırladıb.
Boluarte bildirib ki, bu bölgələrdə fövqəladə vəziyyət elan edilib. San Martin, Ucayali və Amazonasda 230-dan çox meşə yanğınının baş verdiyini qeyd edən Boluarte, bunların təxminən 80 faizinin nəzarət altında olduğunu bildirib. Peru Mülki Müdafiə rəsmilərinin bildirdiyinə görə, iyul ayından bəri yanğınlar var.
