Finlandiya Rusiya diplomatlarının ATƏT-in iclasına girişinə qadağa qoya bilər

2025-ci ildə ATƏT-ə sədrlik edəcək Finlandiyanın xarici işlər naziri Elina Valtonen ölkənin rus diplomatlarının təşkilatın iclasına daxil olmasına qadağa qoyacağını istisna etməyib. Bizimyol.info xəbər verir ki, Valtonen ilə danışan Avstriya Mətbuat Agentliyinə görə, Finlandiya məsələ ilə bağlı "heç bir qərar qəbul etməyib", lakin səyahət qadağası "mümkün bir ssenaridir". 2024-cü ildə Rumıniya Xarici İşlər Nazirliyi Rusiya və Belarus nümayəndə heyətlərinə ATƏT Parlament Assambleyasının planlaşdırılan sessiyasında iştirak etmək üçün viza və ölkəyə giriş icazəsi verməkdən imtina edib. 2022-ci ildə Polşa o vaxt ATƏT-in sədri olduğu üçün Rusiyanın xarici işlər naziri Sergey Lavrovun ATƏT Xarici İşlər Nazirləri Şurasının Lodzda keçiriləcək iclasında iştirakına icazə verməkdən imtina edib. Eyni zamanda, 2023-cü ildə sədrlik edən Şimali Makedoniya xarici işlər nazirlərinin görüşündə iştirak etmək üçün Lavrovun təyyarəsinin Skopyeyə uçmasına icazə verib. Qadir, Bizimyol.info