Demokrat.az xəbər verir ki, Rusiya Müdafiə Nazirliyindən verilən açıqlamada Ukrayna əsgərlərinin gecə yarısı Bryansk vilayətindəki obyektə 6 ATACMS raketi ilə hücum etdiyi bildirilib.
Açıqlamaya görə, S-400 və Pantsir hava hücumundan müdafiə sistemləri 5 raketi vurub, digərini isə zədələməyi bacarıb. Raketin hissələri hərbi obyektin texniki zonasına düşərək yanğına səbəb olub.
Nazirlik insan tələfatının və dağıntıların olmadığını vurğulayıb.
Rusiya Təhlükəsizlik Şurasının sədr müavini Dmitriy Medvedev NATO-nun uzaqmənzilli silahlarından istifadə ediləcəyi təqdirdə Kiyevə və NATO elementlərinə hücum etmək hüququna malik olacaqlarını bəyan edərək, "Bu, III Dünya Müharibəsi olacaq" deyib.
Ukrayna Baş Qərargahından verilən yazılı açıqlamada bildirilib ki, bu gecə Ukrayna Silahlı Qüvvələrinin bölmələri Rusiyanın Bryansk vilayətinin Karaçev şəhəri yaxınlığındakı logistika mərkəzinin 1046 saylı sursat anbarına zərbələr endirib.
Açıqlamada saat 02.30-a kimi hədəfə alınan ərazidə 12 ikinci dərəcəli partlayışın qeydə alındığı bildirilib və “Rusiyanın Ukraynaya təcavüzünün dayandırılması üçün Rusiya ordusuna aid silah-sursat anbarlarının dağıdılması davam etdiriləcək” ifadəsi işlədilib.
Ukrayna mətbuatının xəbərlərində Silahlı Qüvvələrdən qaynaqlara əsaslanaraq, Ukraynanın sözügedən hücumda ilk dəfə Rusiya ərazisində ABŞ istehsalı olan uzun mənzilli ATACMS raketlərindən istifadə etdiyi iddia edilib.
Karaçev şəhəri Ukrayna sərhədindən təxminən 115 kilometr aralıda yerləşir.
ATACMS raketləri bərk yanacaqdan istifadə edir. Onun uzunluğu 4 metr, diametri 610 mm, ən uzun məsafəsi isə 300 kilometrə qədərdir. Raketi Ukrayna üçün vacib edən də məhz bu məsafədir.
Hər ATACMS raketinin qiyməti təxminən 1,5 milyon dollardır.
Əfsanə Kamal
Demokrat.az
10Источники
-
metbuat.azUkrayna Rusiyanı ABŞ raketi ilə bombaladı ( 13188784)
-
redaktor.azUkrayna Bryansk vilayətinə Amerika istehsalı olan 6 raketlə hücum edib -Rusiya ( 13186762)
-
hurriyyet.azDöyüşdə DÖNÜŞ NÖQTƏSİ — ABŞ-ın təsdiqindən sonra ilk: Ukrayna ATACMS ilə Rusiya ərazisini vurdu ( 13186534)
-
arqument.azUkrayna ilk dəfə Rusiyanı uzaqmənzilli raketlərlə vurub ( 13185892)
-
sia.azRaketlər böyük bir silah arsenalını vurub... ( 13185586)
-
turanpress.comDöyüşdə DÖNÜŞ NÖQTƏSİ — ABŞ-ın təsdiqindən sonra ilk: Ukrayna ATACMS ilə Rusiya ərazisini vurdu ( 13185388)
-
editor.azUkrayna ordusunun Bryansk vilayətinə ATACMS raketləri ilə hücumlarında ABŞ-ın əli var – Rusiyanın xarici işlər naziri Sergey Lavrov ( 13184956)
-
adalet.azUkrayna Bryanskini bombaladı: 4 il əvvəl Azərbaycanın dərinlikləri də hədəfdəydi ( 13183102)
-
turkic.worldUkrayna Amerika istehsalı olan 6 raketlə Bryansk bölgəsinə hücum edib - Rusiya ( 13181782)
-
musavat.comUkrayna ATACMS-la Rusiyada hərbi obyekti vurdu ( 13180951)
