“Bavariya”nın hücumçusu Harri Keyn Çempionlar Liqasında Zaqreb “Dinamo”su ilə görüşdə (9:2) unikal nailiyyətə imza atıb.
Sportinfo.az xəbər verir ki, bu barədə “Opta Analyst”in məlumatında bildirilib.
Sözügedən qarşılaşmada poker edən 31 yaşlı təcrübəli forvard Alan Smitin 1991-ci ildəki nailiyyətini təkrarlayıb.
Belə ki, Keyn həmin tarixdən sonra avrokubokların əsas raundunda bir matçda 4 qol vuran ilk ingilis futbolçu olub.
Keyn həm də “Mançester Yunayted”in sabiq futbolçusu Ueyn Runinin rekordunu qırıb. O, Çempionlar Liqası tarixində 33-cü qoluna imza ataraq ən çox qol vuran ingilis oyunçu olub.
Keyn aktivində 30 qol olan Ueyn Runini geridə qoyaraq yeni rekordu müəyyənləşdirib.
Harri Keyn 2023-cü ilin yayında “Tottenhem”dən Münhen klubuna keçib. Trasfermarkt portalı futbolçunu 100 milyon avro qiymətləndirir.
