Harris Trampı 5 xal qabaqlayır - NBC News sorğusu

ABŞ-ın vitse-prezidenti Kamala Harris respublikaçı rəqibi Donald Trampı 5 faiz üstələyir.

Bizimxeber.az bildirir ki, bunu NBC News sorğusunun nəticələri sübut edir .

Sorğunun nəticələrinə görə, o, Demokratlar Partiyasından prezidentliyə namizəd olduqdan sonra respondentlər ona daha çox üstünlük veriblər.

Namizəd olduqdan sonra Harrisə necə münasibət bəslədiklərini soruşduqda, 1000 qeydiyyatdan keçmiş seçicinin 48%-i pozitiv olduqlarını bildiriblər.

Kanalın məlumatına görə, Trampla bağlı sualı cavablandıran respondentlərin 40%-i onun haqqında müsbət fikirdə olduqlarını bildiriblər, iyulda bu göstərici 38%-dir. Sentyabrın 13-17-də keçirilən sorğuda səhv nisbəti 3 faiz bəndi təşkil edir.