Oktyabr ayı ərzində Rusiya ordusu Ukraynadakı mülki və hərbi hədəflərə qarşı 2 min 23 “Şahed” duronundan və naməlum pilotsuz uçan aparatlarından (PUA) istifadə edib.
Reyting.az xəbər verir ki, bunu Ukrayna Silahlı Qüvvələrinin Baş Qərargahı bildirib.
Məlumata görə, onlardan 1185-i ukraynalı müdafiəçilər tərəfindən məhv edilib, 738-i yerli itkilərə məruz qalıb, daha 29 PUA isə Ukraynanın nəzarət edilən hava məkanını tərk edib.
“Ümumilikdə, 2024-cü ilin əvvəlindən düşmən Ukrayna ərazisi boyunca 6987 PUA ilə hücum edib”, - hesabatda qeyd olunur.
Baş Qərargah əlavə edib ki, rusların pilotsuz təyyarələri Ukraynada əsasən mülki və kritik infrastruktur obyektlərini hədəfə alıb:
“Zenit-raket qüvvələri, aviasiya, elektron döyüş bölmələri və mobil atəş qrupları Ukrayna səmasını gecə-gündüz qorumağa davam edir”.
ELÇİN
