Ukrayna Hərbi Hava Qüvvələri ümumilikdə 210 düşmən hədəfini aşkarlayıb və müşahidə edib. Bunlardan 120-si raket, 90-ı isə pilotsuz uçuş aparatı (PUA) olub.
Musavat.com xəbər verir ki, bu barədə UNİAN məlumat yayıb.
Saat 12:00-a olan məlumata görə, Ukrayna səmasında 144 hava hədəfi - 102 raket və 42 PUA məhv edilib.
Xüsusilə, aşağıdakı növ raketlər zərərsizləşdirilib:
- 1 ədəd hipersəs sürətli gəmi raketi 3M22 "Zirkon";
- 7 ədəd aero-ballistik raket X-47M2 "Kinjal";
- 85 ədəd qanadlı raket (X-101, "Kalibr");
- 4 ədəd qanadlı/anti-radar raketi (X-22/X-31P);
- 5 ədəd idarə olunan aviasiya raketi (X-59/X-69).
Bundan əlavə, məhv edilən 42 PUA ilə yanaşı, daha 41 PUA radar sistemlərində itirilib, 2-si isə Rusiyaya və işğal olunmuş ərazilərə doğru istiqamətlənib.
Musavat.com
